新記煲仔雞粥 (已結業)

呢度D靓粥街知巷闻，之前已经慕名黎食过，不过原来粥以外其他出品质素亦相当唔错，今晚呢餐甚有惊喜……外皮炸到金黄色既乳鸽，睇见已经令人想要流口水，大家急不及待伸手去试。一啖咬落去，外皮好香好酥脆，入面肉质甘香嫩滑又富肉汁，回味悠长，连手指都吮埋。呢个炸鱿鱼须亦可以话好食到停唔到口，炸到热辣辣，超级香脆可口，口感外层酥脆，内里柔韧鲜嫩，绝对系佐酒既好拍档。蒜蓉炒菜心呢道家常菜我谂好多人都成日喺屋企食到，不过就唔系次次都咁好味，好睇阿妈买唔买到靓菜~而呢度既菜心好嫩，味道清甜，口感爽脆，营养丰富，再加埋爆香后既蒜蓉，简单好滋味！蒜蓉炒螺肉系一道重口味既料理，搭配大量的蒜、葱、椒，香气逼人！螺肉香口惹味又鲜美，脆脆口感，好有嚼劲，令人一食就上瘾，又系同啤酒好夹，好快就已经成碟空晒！斋肠制作好似简单但又好考功夫，几可食到真系好好味既？一系太厚一系太薄一系太粉，完全唔系望落去咁简单架！所以要赞下呢度整得几有水准，点少少豉油，味道同口感都令人满意。