影片
更多
2022-12-16
1394 浏览
真系有比较有伤害！忠记粥品，门口等外卖嘅人数较多，已经系个值得一试嘅参考指标。一碗猪红碎牛粥$22、一碗咸蛋粟米粥$22，加多件牛脷酥$10，打开个盖一睇已经高下立见。首先，米量明显足料啲，唔系水汪汪；其次，有姜丝，见微知著。扯开话题，提到姜丝，不如讲吓僵尸，唔讲女优。僵尸由来，其中一种讲法嚟自湘西赶尸，相传当地人落叶归根返乡落葬观念好重，所以会请赶尸匠将尸体运返乡下。由于湘西山路崎岖难行，不宜用车、担架等方法运送尸体，因此赶尸人会为尸体著上阔袍大袖嘅黑色寿衣，然后将尸体前后排排企，再用两枝竹竿分别穿过尸体左右衫袖并将手臂绑喺竹竿上。赶尸人一前一后抬住两枝竹、串住一排尸，加上赶尸队一般喺夜晚开工，所以睇落就好似一堆尸体跳下跳下、弹下弹下咁。经过啲三姑六婆加盐加醋吓小朋友，就变成僵尸一说。仲有，睇《僵尸先生》，林正英赶尸会摇手铃🛎，电影渲染成指挥僵尸行动。实际上赶尸人摇手铃，系想提醒附近居民有尸队到，快啲回避，同时绑好屋企只狗，唔好冲出嚟咬啲尸体，米饭班主嚟㗎，任何损伤冇粮出，到时粥水都冇得食呀❗️好，讲返碗猪红碎牛粥，系有味㗎，终于唔使自己加盐加醋落胡椒，好滚动。另外，佢个猪红好食，唔系
一碗猪红碎牛粥$22、一碗咸蛋粟米粥$22，加多件牛脷酥$10，打开个盖一睇已经高下立见。首先，米量明显足料啲，唔系水汪汪；其次，有姜丝，见微知著。
扯开话题，提到姜丝，不如讲吓僵尸，唔讲女优。僵尸由来，其中一种讲法嚟自湘西赶尸，相传当地人落叶归根返乡落葬观念好重，所以会请赶尸匠将尸体运返乡下。由于湘西山路崎岖难行，不宜用车、担架等方法运送尸体，因此赶尸人会为尸体著上阔袍大袖嘅黑色寿衣，然后将尸体前后排排企，再用两枝竹竿分别穿过尸体左右衫袖并将手臂绑喺竹竿上。赶尸人一前一后抬住两枝竹、串住一排尸，加上赶尸队一般喺夜晚开工，所以睇落就好似一堆尸体跳下跳下、弹下弹下咁。经过啲三姑六婆加盐加醋吓小朋友，就变成僵尸一说。仲有，睇《僵尸先生》，林正英赶尸会摇手铃🛎，电影渲染成指挥僵尸行动。实际上赶尸人摇手铃，系想提醒附近居民有尸队到，快啲回避，同时绑好屋企只狗，唔好冲出嚟咬啲尸体，米饭班主嚟㗎，任何损伤冇粮出，到时粥水都冇得食呀❗️
好，讲返碗猪红碎牛粥，系有味㗎，终于唔使自己加盐加醋落胡椒，好滚动。另外，佢个猪红好食，唔系因为有大发做对比先觉得佢好食，即使以一般正常猪红而言，忠记粥品嘅猪红都明显有水准啲。牛脷酥，正常啰。至于另一碗粥，咸蛋粟米粥，唔系我食，不便评论，但根据当事人形容，都系话高质好多。
猪红肉碎粥
$22
33 浏览
0 赞好
0 留言
咸蛋粟米粥
$22
25 浏览
0 赞好
0 留言
牛脷酥
$10
43 浏览
0 赞好
0 留言
66 浏览
0 赞好
0 留言
34 浏览
0 赞好
0 留言
张贴
