影片
更多
2011-05-20
114 浏览
又到星期五晚出动揾食嘅时候喇！今次嚟到呢间「田记」都系报纸推介所以嚟一试佢啲粥品！不过相比上次去过佐敦嘅「顺德村」真系差好多，令人有点失望！首先环境方面，街坊食店格局，折枱胶櫈，冇乜装修，墙上写满小菜名，坐位唔多，但算系几阔落，起码唔会坐到背脊痴背脊！食物方面，唔单只可以食煲仔生滚粥，仲有小菜可以点，适随尊便！呢晚我哋试咗佢三款粥品同两款小菜：A) 粥品－－粥底好杰，锅底啲粥杰到一旧旧咁痴晒底，但我觉得佢应该冇落味精，实在淡而无味，好似食冇落盐嘅白粥咁，食咗三款粥都觉得冇分别！1) 龙虾粥－－龙虾唔多，而且壳多肉少，粥亦冇龙虾味，但咁又唔怪得嘅，因为啲龙虾本身都冇味！2) 石斑粥－－哇！呢个腥到我晕呀！ 又系骨多肉少，粥仍然是冇鱼味的！3) 泥鯭粥－－呢款算系三款粥之中最有味嘅一款！稍为有啲泥鯭味，一碗有两条小泥鯭，可能加了果皮丝，所以冇石斑粥咁腥！但都系果句：啲粥冇味啰！B) 小菜－－无意间叫了两款都系炸嘢！小菜比起粥品好食好多！够镬气，亦好味道，如果嚟食小菜我觉得可以再帮衬！1) 椒盐鲜鱿－－（太肚饿忘了影相）鲜鱿够厚身，炸粉亦唔厚，脆卜卜，又够味道，够香口，𩠌啤酒一流！2) 椒盐
今次嚟到呢间「田记」都系报纸推介所以嚟一试佢啲粥品！不过相比上次去过佐敦嘅「顺德村」真系差好多，令人有点失望！
首先环境方面，街坊食店格局，折枱胶櫈，冇乜装修，墙上写满小菜名，坐位唔多，但算系几阔落，起码唔会坐到背脊痴背脊！
食物方面，唔单只可以食煲仔生滚粥，仲有小菜可以点，适随尊便！
呢晚我哋试咗佢三款粥品同两款小菜：
A) 粥品－－粥底好杰，锅底啲粥杰到一旧旧咁痴晒底，但我觉得佢应该冇落味精，实在淡而无味，好似食冇落盐嘅白粥咁，食咗三款粥都觉得冇分别！
1) 龙虾粥－－龙虾唔多，而且壳多肉少，粥亦冇龙虾味，但咁又唔怪得嘅，因为啲龙虾本身都冇味！
2) 石斑粥－－哇！呢个腥到我晕呀！ 又系骨多肉少，粥仍然是冇鱼味的！
3) 泥鯭粥－－呢款算系三款粥之中最有味嘅一款！稍为有啲泥鯭味，一碗有两条小泥鯭，可能加了果皮丝，所以冇石斑粥咁腥！但都系果句：啲粥冇味啰！
B) 小菜－－无意间叫了两款都系炸嘢！小菜比起粥品好食好多！够镬气，亦好味道，如果嚟食小菜我觉得可以再帮衬！1) 椒盐鲜鱿－－（太肚饿忘了影相）鲜鱿够厚身，炸粉亦唔厚，脆卜卜，又够味道，够香口，𩠌啤酒一流！
2) 椒盐百花茄子－－因为好奇所以叫！ 问落单的姐姐系咪即是百花酿茄子，佢话唔知...... 不过我哋都照叫！嚟到见到好似炸蚝咁大碟，都吓咗一跳！总共有十件，系茄子面有层虾胶再用炸粉炸，唔油腻，够脆又香口，食唔停口呀！
仲见到有其他小菜都好有兴趣试试，无奈肚皮已经饱晒！老实讲如果食粥就应该唔会再嚟！（因为觉得之前食过嘅「顺德村」真系正好多！）但如果食小菜都有兴趣再嚟试吓！
张贴
