富景清香麵家

营业中

休息中

一向都知道北角多各种各样美食，今次去开附近当然要揾好野食啦。见到富景清香面家，menu上有粥品、油器、肠粉、粉面、前菜、小食等等应有尽有，就入去试下。今次叫左牛筋米粉、鱼蛋面加紫菜、极品蚝豉粥、炸両、鲜虾肠粉、蚬介鲮鱼球、冻龙凤可乐及冻利宾纳。牛筋米粉d牛筋又多又腍，汤底有腩汁连米粉好入味。鱼蛋面值得一提，鱼蛋弹牙鱼片够鲜味，面同样弹牙可口，加埋紫菜带出多层鲜味。极品蚝豉粥有十几只蚝豉又有东菇，认真抵食，粥吸左蚝嘅鲜味十分好味。炸両点豉油、蔴酱、甜酱食真系冇得输。鲜虾肠粉皮薄馅足，加埋甜豉油食一流。蚬介鲮鱼球有传统风味，而且热炙炙即叫即炸。