靠得住粥麵小館 (已結業)

自从某次在湾仔骆克道食过'信得过'既黄沙猪膶粥就一试爱上，黄沙猪膶独特既口感真系非一般猪膶可比美但由于信得过太远了，位置又差，在湾仔铜锣湾之间，两头唔到岸，有湾仔地铁站行过去远到死，所以有时想食都只好放弃。刚巧今年屯门又开了间'靠得住'，两间店名字都相似，唔知系咪同一公司分支，就好似海天堂同大家姐咁，唔理咁多，一于去试下，呢间舖最吸引我既食物就系白灼鱼皮同黄沙猪膶粥，第一次去可以叫到白灼鱼皮~的确好爽口又唔腥，价钱又唔贵，另外叫左一碗黄沙猪膶粥，真系黄沙架，果种软绵既口感真系好正，心谂真系好喇，以后唔洗去到湾仔先有得食，因为好多粥店都话自己系黄沙膶，但其实就唔系，包括屯门码头一粥面都唔系，我听人讲黄沙膶唔系咁易有货，因为系病猪肝黎，所以唔知系咪因为咁，供货咁唔稳定，跟住我第二，三次去食黄沙膶粥，已经唔再系黄沙膶兼无鱼皮食，由于佢都要50几蚊一碗，而且环境唔系好，成日有乌英飞来飞去，d人态度又唔系特别好，如果50几蚊一碗普通膶粥，我系旧式粥档都食到，价钱平一半有突添。