海皇粥店 (英皇道) (已結業)

接先生放工行过海皇粥店，被门口大大张粥底火锅poster吸引到，原来传统粥店都有火锅食，好有新意。有五款火锅选择，价钱相宜。我哋拣咗尊贵海鲜肥牛锅，主打有花胶、带子、虾同肥牛，食物尚算新鲜。另外仲有午餐肉、猪肉丸、鲮鱼球同蔬菜篮，鲮鱼球新鲜弹牙。加$12叫咗炸鱼皮，非常香脆，配粥底亦系一流。粥底方面我哋拣咗香茜皮蛋粥同南瓜粟米肉碎粥。粥底煲得非常靓，又绵又滑，芫茜味道好出，就咁食个粥都暖笠笠。先生嘅南瓜粟米肉碎粥同样绵滑，非常香甜。跟餐可以选配牛脷酥或者油炸鬼，我哋各要一份，两者点粥食都系绝配。咁嘅价钱食到粥底火锅真系好抵，虽然唔系食材简单，但性价比的确高。