阿爺粥品手工涮涮鍋 (已結業)

上个月尾朋友生日话想试下粥底火锅，于是我上网揾下，见到e间新开冇耐就去试下。我哋一行8人连2小朋友。叫咗6个海鲜套餐(套餐系每位计)套餐本来系一百九拾几元位，但因为假期，所以每位要加$30。我哋叫咗白粥做粥底，海鲜套餐上枱时都几靓，有多宝鱼ok、花蟹一般、虾新鲜、鲍鱼、大蚌、花甲、蚬多沙共7款，另外仲包有3款火锅料。之后我哋再加肥牛一般，油炸鬼贵咗d，猪肉青。环境就一般，因为d冷气滴水，埋单谂住$1500走得，点知要收每位茶介钱再加一服务费，总共要成$1800先走得。