海皇粥店 (駱克道)

营业中

休息中

前排，趁天气凉凉地，见到海皇粥店又做紧呢一个大满粥火锅，价钱亦都唔贵，于是就嚟到铜锣湾嘅分店试一试。呢个粥底火锅，系限时推出嘅，仲有系要指定分店先至可以食到，所以详情可以留意番海皇粥店官方网站嘅资料。如餐牌所示，有几只配料可供大家选择，包括：海鲜盛会美国肥牛锅双份美国肥牛锅滋补红枣醉鸡锅双份巴西豚肉锅唔够饱嘅朋友仔，可以选择加其他配料嘢饮方面，我哋选择咗冻嘅柠檬薏米水，味道方面比较淡，薏米嘅比例太多，味道一般。一开始嚟咗份油炸鬼先（因为太肚饿嘅关系，影之前已经急不及待咁食咗一半）炸得唔错，外皮有油既甘香，仍然好脆调味料主角黎到，我哋两个人其中一个锅选择咗呢一个南瓜粟米肉碎粥底，配以双份肥牛。其实味道方面，南瓜嘅味道唔多，比较淡，嘢食渌完之后，主要都系用豉油或者蒜去做调味，所以粥底嘅作用不大。另一个锅，我哋选择咗滋味白粥底，配以醉鸡。落咗醉鸡之后，成锅粥立即充满咗醉鸡酒香同药材嘅味道，而且里面仲有大概四至五旧鸡，肉质亦都系滑嘅，值得推荐！必备嘅配料，包括韩式韭菜饺子、三宝丸（猪肉、虾米鲮鱼、牛肉）、豆腐、五色蔬菜、即食面或油条半客三宝丸嘅肉质唔错，食起嚟都爽同弹牙嘅，其他嘅配料都不过不失