漁樂鍋 (已結業)

今日朋友话book左好嘢食带我去，话系好抵食既海鲜粥底火锅，于是我就俾朋友带来到黄埔啦，出左地铁之后行左几分钟就到左，位置都好好揾。我地嗌左个海龙皇锅，一位系HKD198蚊免收加一，套餐有七款时令海鲜、五款自选配料、两款餐前小食同埋有糖水添，都真系几抵食喔！一黎姐姐就俾两碟餐前小食啦，食住等，都几开胃喔。跟住就有六款调味酱料俾大家自己调翻心水酱料啦，我就最钟意䜴油、蒜蓉、辣椒、芜茜加埋炸蒜啦！好快D嘢食来啦，哇，D海鲜都几新鲜噶，有贝类啦、鱼啦、鲍鱼啦、蟹啦等等，因为虾卖晒，所以就换左D带子俾我地。D海鲜真系好鲜甜，蟹真系好多蟹膏，仲啖啖肉，鱼肉好嫩滑，鲍鱼都好爽口，真系大满足呀！食完D海鲜我地就放自选五款既配料入去啦，有肥牛啦，手打墨鱼丸啦，响铃啦，粟米啦，仲有豆卜！肥牛都唔错，有牛味，墨鱼丸都好弹牙，粟米好甜，豆卜吸左D汤底味道超级好，响铃唔使讲啦，一直系我既挚爱！打完边炉就系我期待既粥底啦，我觉得好特别呀，姐姐们服务态度都好好呀，好贴心咁帮我地整锅粥，将D南瓜芋头跟粥磨成蓉，最后再加埋葱花，芜茜等等，真系超级香呀，一入口真系有惊喜，好香浓，仲好清甜，超好味！份量多而且好味道！最后