六十六十火鍋 (已結業)

自从上次去过元朗食粥底火锅，同埋去某间连锁式快餐店食过嘅粥底火锅之后，我人生嘅打边炉选择除咗麻辣火锅之外多咗一个选择。早排同朋友去咗长沙湾买嘢，经过呢间餐厅，望到佢哋个餐牌有粥底火锅套餐，见价钱唔算贵，就决定试一试。粥底火锅$200一位，可以拣八款+6款配料！其实打边炉来讲，食来食去都系𠮶几种食物，但最紧要其实就系要食材新鲜！一开始汤底只系粥水，但系唔怕冇味，因为首先系食海鲜，啲海鲜系好新鲜好鲜味！跟住再食其他火锅配料，到最后加埋粥底配料（木瓜，芋头，等等），所有海鲜、肉类嘅精华完全喺晒呢个粥底𠮶度，真系非常非常非常之好味！ 以呢个价钱，有蟹、鲍鱼、圣子等等嘅海鲜，性价比10分高！会再帮衬！