新華苑酒家

营业中

休息中

平时食开𠮶啲蒸海鲜都系一个餐每人几款海鲜咁样，通常都唔系食得好饱嘅，都要一定食晒个粥先够饱，所以我得知呢个消息就揾左呢间有任食嘅海鲜锅店，海鲜系俾你拣几样再有指定嘅海鲜嘢食，再加任食嘅嘢，蔬菜啊肉类啊丸类啊都系任食，饮品方面汽水呀凉茶啤酒都系任饮，我哋一坐低即刻攞咗一楂竹借茅根，可能因为太热嘅缘故，所以一下就俾我哋饮晒，但系嘢饮系任饮㗎嘛所以冇所谓再攞多啲其他嘢饮。讲返食物先，海鲜就唔使讲啦全部都新鲜即㓥你整俾我哋食嘅，最紧要系任食嘅嘢有和牛肉片同牛肉粒都系可以不停叫嘅，真心劲抵，我哋仲要好惊个粥底唔够味，自己家左啲鸡落去，其实真系唔使学我哋嘅，因为个粥底真系好够味好棉好滑好好食