深仔記 (已結業)

離開太和商場，行過嚟只係兩三分鐘，就會見到「深仔記」，主打粥粉麵，裝修幾新淨。秘制蝦子撈麵$52密麻麻嘅蝦子，真係多得好誇張，正。麵底彈牙，仲配有一碗湯。狀元及第粥$30粥底煲得夠綿滑，材料好多：粉腸、豬肚、肉丸、豬潤，同埋一大塊比較少見既豬心。最好食係豬潤，滑一滑又冇血水。呢度比較特別係：有好多選擇！飲品除左例牌嘅豆漿，仲有黑豆漿、橙汁、樽裝汽水、椰青水、紙包檸檬茶等等。食物除左粥粉麵，連飯都有。多啲人就可以share嚟食啦！腐乳通菜$13用淥麵水嚟灼菜，因為有鹼水成份，菜就更加翠綠。通菜最好食當然係加腐乳醬，一絕！ 淨雲吞$28八粒唔係大粒，但每粒入面都冇肥豬肉，最怕雲吞入面有好多肥豬肉充數。入面九成九都係爽彈嘅蝦仁，好足料。灼鵝腸$68鵝腸洗得乾淨，去除左大部份肥膏。當然冰鮮鵝腸梗係冇新鮮鵝腸咁滋味啦，但就更爽口。精髓係啲蔥絲同薑絲，再加少少醬油，真係正架！炸水餃（細）五粒$40 意外地，全餐我覺得最好食係炸水餃。即叫即炸，隻隻都脹卜卜，睇見都知好多蝦。餃子皮炸到超脆，雖然見到碟底有唔少油，但餃子係冇乜油，幾乾身。香口嘢又足料，點會唔好食。未食完就即刻想要encore叫多碟。早知