天恩健康素食 (已結業)

肠胃唔太好想食粥，谂起依间有粥拣，试下。我始终都系钟意食肉，叫了$44四宝饭。有汤送上，个汤好足料，有好多豆系底，仲有两旧斋肉，好甜。姜饭，豆饭，粥任拣，粥系比较稀水既，有白果味，今日好岩我胃口。食左几舒服。之后再试左少少姜饭，比想像中少姜味，略硬。四宝饭竟然有成只漏油咸蛋送上，所以配左少少饭食。佢话唔够肉，比左旧鱼我，劲开心，因为我见食评有人食鱼，望左几次另一个餐日日都唔系鱼，质地又真系似似地鱼，一丝丝，鱼皮边都造埋，少少脆，好似。其他肉都好味，红色斋唔系平时酸斋味，全部都特别。今日肠胃唔好，食晒感觉个胃都唔大负担，比想像中少油。食完感觉几好，依间店可以再试下。