金峰靚靚粥麵

营业中

休息中

今日喺鲗鱼涌开会，开会前约咗喺附近返工嘅友人食个早餐。佢推介食呢间粥面，话猪红粥好正㖞。我就麻麻地钟意食粥，就叫咗芽菜炒面同叉烧肠粉。讲真，两样都唔好食。炒面啲面碎哂，口感又唔好，好霉，又冇乜味，要加甜酱调味。叉烧肠个皮好粉好霉，叉烧又唔够香，个豉油又杰，食咗一条唔想再食。起码肠粉入面加啲芫茜吖，香啲嘛，点知乜都冇。友人之前话猪红粥唔错，试咗啖，猪红冇味，但粥底有味，好明显加咗唔少味精，印象好差。呢间早餐真系不了，友人嘅taste都一样不了。