顏府御膳 (已結業)

想揾间坐得舒服既川菜，睇到呢间啲相好似几唔错就黎试下。环境系几舒服，够阔落，周末晚市黎都只系得几枱客，几啱倾计。一入座就上小食，系琥珀合桃，都几香脆，没油益味，如果再甜少少就完美。前菜拣左积木茄子，炸得几好，炸酱薄，够脆身，外面有花椒胡椒调味，都几好食。之后叫左𠮶素汤，竹笙花菇炖菜胆，清清甜甜，用料唔错，几好饮。脆皮黄油盐香鸡都皮脆肉滑(除左鸡胸之外)，鸡味几浓，都唔错。最差既系水煮桂花鱼，唔够麻唔够辣唔够香，而且鱼既肉质唔嫩... 红薯粉系好幼身，太稔唔弹牙，有啲失望。整体都ok，但就唔系正宗川菜，想食辣野，呢间就未必满足到。