昌哥粵菜館

营业中

休息中

好果想食好食嘅传统粤菜，呢间粤菜餐馆唔会令你失望。预订咗个杏汁白肺汤，杏汁的香味配上猪肺，一边饮一边就觉得好滋润，猪肺够晒淋，而且又非常入味。另外仲预订咗盐焗鸡，又系一绝，只鸡够晒嫩滑，非常入味，感觉上连D骨都有盐焗嘅味道，火喉控制得十分好，连平时唔食鸡皮的我都忍唔住食咗几块，真系好掂。第三个预订嘅菜式就系家乡酿鲮鱼，都算系功夫菜，鲮鱼先起肉，然后搅碎佢，再酿返入个鲮鱼身入面，为嘅就系可以啖啖肉咁食。话虽如此，我个人仍建议食嘅时候都要小心D，因为都有机会有D碎骨嘅。最后一个𩠌无预订嘅，就系柚皮菜芯，印象中衣家唔系好多地方可以食到柚皮，呢度嘅柚皮又真系炆得几好，扣返个汁，味道特别好。