粵藝館 (時代廣場)

营业中

休息中

平时中菜就成日食，今次就尝试左一个新菜单中菜配中式白酒。今次系《粤艺馆》x《钓鱼台》联成品酒之夜，当中包括左九道菜式配搭白酒。成晚认识咗好多新朋友，一齐食饭饮杯，享受左一个美好嘅夜晚。⚜️钓鱼台尊品酒由生产、贮存到出厂历到需要经过至少五年以上，味道酒香浓郁，有淡淡的果香味，有菠萝同埋话梅提炼嘅，用嚟配中餐就一流。⚜️烧无花菓天下第一猪呢个系粤艺馆嘅招牌菜，佢系严选七至八星期嘅乳猪，肥瘦适中，烧到个皮脆卜卜，加埋无花果酱，味道更升华。⚜️竹丝鸡松茸螺头炖花胶呢个汤真系好足料，大家见到我张相就知佢嘅花胶有几大，成个汤系完全冇落过任何味精，因为螺头同埋鸡，成个汤都好鲜甜。⚜️香酥桶蚝伴陈醋有机菜拣选左肥美嘅桶蚝，超大只厚肉，外面炸到好松脆，配搭左陈醋同埋有机菜，令到成个鲜味提升。⚜️松叶蟹肉带子茶碗蒸茶碗蒸最重要就系口感幼滑，里面材料非常丰富，上面重点缀左带子同埋蟹肉，口感一流，成个蛋好鲜甜。⚜️云呢拿雪糕配钓鱼台酒呢个新颖嘅配搭我都系第一次试，食落嘅感觉有啲baileys,估唔到会有呢种化学作用，两种极致嘅配搭，成为左一道高质嘅甜品。