影片
更多
2020-07-30
1945 浏览
还记得上一次来屯门黄金海岸嘅粤，已经系五年前嘅事，那餐晚饭惊喜不断，吃得非常高兴，什么格兰焗酿鲜蟹盖、云海麒麟星斑卷和鳯跃天仙，样样都系有姿势有实际，系当年吃过一餐不错的一个经验。五年来，来过黄金海岸几次，但都未有机会食番粤，今晚终于有朋友提议嚟呢度食饭，一于同埋老婆过来吃晚饭。事先没有特别提议过食乜嘢menu，又冇话特别想食番𠮶阵嘅菜式，相反，就叫师傅提议下有乜嘢新菜式可以食，同五年前排场不同，不过今晚惊喜更加大。席上有朋友有值得庆祝嘅事，先饮杯再祝大家身体健康。先上场嘅系香糟鲍片伴海蜇头，鲍片好爽，虽然唔系好大只嘅品种但系配上香糟，味道独特，同海蜇头嘅爽相映成趣，最重要够冻，最适合而家大热天时食。锅贴大虾多士伴鲜果，虾多士的品质同做得好出色嘅港大同学会最高峰时期有过之而无不及，加上那些甜到不行的鲜果，又系令人回味，再加啲秘制嘅汁，好开胃。然后是烧味的时间，鹅肝片皮乳猪件加蜜汁叉烧，从来冇谂过鹅肝衬乳猪系会咁夹，加埋个米通，个皮脆到落地有声，好特别。蜜汁叉烧平日吃得太过多，精彩的比比皆是，今日呢个相对水准正常。饮一口鲜松茸鲍鱼炖鸡汤，固中鲜甜甜在心，松茸鲍鱼炖鸡，劲多料，吃料都吃不停
五年来，来过黄金海岸几次，但都未有机会食番粤，今晚终于有朋友提议嚟呢度食饭，一于同埋老婆过来吃晚饭。
事先没有特别提议过食乜嘢menu，又冇话特别想食番𠮶阵嘅菜式，相反，就叫师傅提议下有乜嘢新菜式可以食，同五年前排场不同，不过今晚惊喜更加大。
席上有朋友有值得庆祝嘅事，先饮杯再祝大家身体健康。
先上场嘅系香糟鲍片伴海蜇头，鲍片好爽，虽然唔系好大只嘅品种但系配上香糟，味道独特，同海蜇头嘅爽相映成趣，最重要够冻，最适合而家大热天时食。
锅贴大虾多士伴鲜果，虾多士的品质同做得好出色嘅港大同学会最高峰时期有过之而无不及，加上那些甜到不行的鲜果，又系令人回味，再加啲秘制嘅汁，好开胃。
然后是烧味的时间，鹅肝片皮乳猪件加蜜汁叉烧，从来冇谂过鹅肝衬乳猪系会咁夹，加埋个米通，个皮脆到落地有声，好特别。
蜜汁叉烧平日吃得太过多，精彩的比比皆是，今日呢个相对水准正常。
饮一口鲜松茸鲍鱼炖鸡汤，固中鲜甜甜在心，松茸鲍鱼炖鸡，劲多料，吃料都吃不停。
然后应该系是晚另一特别嘅菜式，蜜汁火方伴油泡碧绿带子。
蜜汁火方好靓，就咁食太咸，夹个饱再加脆脆，另一个好味嘅食法。
碧绿带子，虽然用油泡，不过都可以解火方嘅轻微油份，随带子附送嘅蔬菜，鲜甜得来时间又正好。
个人私心都几喜欢呢个陈皮韭菜生煎鸡，听朋友说上次食呢个菜式嘅时候陈皮味非常出众，今日反而唔够劲，韭菜生煎鸡味道当然出众，不过如果陈皮味强多一点嘅话应该整体会好好多。
金汤西红柿烩上素，又系另一个夏日倾情嘅菜式，平时食菜来来去去都系果几样，但呢个配搭就非常新鲜 ，整个西红柿甜到食糖咁，加上了入面嘅菇和菜类，再饮淡汤，好refreshing，直头冇谂过会咁好食，绝对是一个大惊喜。
单尾绝对系点题作，云南石窝风味过桥米线，之前系𠮶个人嘅社交平台post相后，好多人即刻问喺边度，排场咁大嘅米线应该好少见，可以比较系长沙湾嘅云南风味人家，但当然𠮶种排场同呢个系两回事，我也不说什么过桥米线嘅前世今生了，但呢度系你面前用石锅加上煲热嘅汤，加上十五种不同配菜（多到我都费事写），即整即食热辣辣最好。
我相信咁样食法，酒店方面真系呢度认第一，无人认第二，特别外号云南米线嘅朋友，一定要来试试。
唯一一个缺点，我会觉得可以有少少炸酱辣辣地会惹味啲，希望下次黎会有辣度可以选择。
甜品当晚吃的有南安子炖桃胶，玫瑰火腿酥饼和香芒冻布甸，特别系南安子炖桃胶贵气逼人，女士最适宜吃。
玫瑰火腿酥饼都好食，但会太肥太油，最后的香芒冻布甸，当然系消暑杰作。
呢个酒店食米线嘅经验，不错，咁新鲜绝对要试，不过暂时都只得两人一齐先可以黎到，要记住啦。
粤
屯门香港青山公路1号香港黄金海岸酒店低层地下
张贴
