十三少 (已結業)

🥔凉拌土豆丝 (跟午餐)土豆丝质感爽脆，味道唔算辣。前菜嚟讲，就非常开胃。士豆丝金黄色嘅卖相，配合埋酸香味，愈食愈过瘾😙。🐠酸菜鱼 $70酸菜鱼午餐可以拣饭或者米线。鱼块每块嘅size差唔多，食落滑捋捋，夹起唔会散烂。配菜方面就有萝卜、莴笋同埋菇，配菜都索哂酸菜鱼汤嘅味道， 一个字—正👍🏼！🍴话梅骨饭 $70话梅骨味道酸甜适中，肉质好好。小编就好怕啲话梅骨骨多过肉，完全冇肉食，但十三少嘅梅骨完全冇呢个问题，值得推介💪🏻。🥦大盆花菜 $68大盆花菜绝对系今餐lunch最健康嘅选择！主打就系十字花科嘅椰菜花炒猪肉，配上🌶️辣椒同木耳。食菜固之然健康，但因为加入辣椒去炒，呢个𩠌亦非常惹味。🥘水煮牛肉饭 $70水煮牛肉一上菜个阵，都有啲吓亲小编。因为水煮牛肉被好多辣椒🌶️🌶️🌶️覆盖住，劲担心太辣会食唔到。但食落系可以接受嘅辣度，唔会食到出哂汗。牛肉份量都算多，而且仲有宽面，认真有诚意😆！🥘麻婆豆腐饭 $68麻婆豆腐非常香，而且豆腐好滑，加入肉碎、花椒等等四川配料，绝对系𩠌饭🍚嘅佳品