武士拉麵 (已結業)

武士拉面拉开个门就一眼望哂d座位，虽然细，但十足十日本地道既暖笠笠拉面档。中日文对照。 佢地有几款汤拉面同埋沾面。叫左个德川将军拉面同埋一碗扳上将军拉面。碗碗面既名堂都用左日本将军去名命，有特色，难怪叫武士拉面！蕃茄猪骨汤底几出色！个汤底浓郁，真实既蕃茄同猪骨味好重，应该系真材实料去淆制。叉烧亦都非常入味，唔会太软而散哂，相反，煎得脆脆地个表面。呢碗就朋友叫既酱油猪骨汤底，因为有酱油做汤底，猪骨味就多左咸味，而汤底就唔会好似平日猪骨咁油腻，算是女士最爱！