越南麵包

营业中

休息中

剛過的生日，成班frd幫我係越南麵包到慶祝。呢間餐廳開左冇耐，所以7:30去到都唔算太多人，啲位好闊落，我有bb車都坐得好舒服。我地都叫左好多樣野，我唔太記得哂啲名，不過個越南麵包真係好好味，個包好鬆脆， 餡料十足，啲牛肋條好入味，洋蔥又炒得好香口，真係好令人回味 另外，白汁青口都好好食，隻隻都好入味而且份量十足，仲有幾片麵包伴隨，正啊！其他仲食左雞翼啊，沙律啊，扎肉阿，所有野既賣相都好精緻，話係酒店食都有人信！不得不提店主親自沖泡既rose latte, 淡淡既玫瑰花味，再配錫蘭紅茶，好香好好味，仲有牛油果沙冰都好正好特別！最驚喜既係我啲朋友一早為我安排左店裏面既栗子芒果拿破崙做生日蛋糕，真係好好味！好耐冇食過一間咁有誠意製作食物既小店！