東京アグラ (已結業)

最近湾仔开咗好多新嘅日式拉面店，作为半个湾仔居民同一个拉面痴，唔去试吓真系对唔住自己。今次就拣咗系屋企附近嘅拉面店，东京。系屋企行两步去到麦加力歌街，就见到呢间新开嘅拉面铺。铺面装修同出面嘅拉面店差唔多，不过高楼底，坐系铺头入面空间感都几重，不过冷气机滴水，系呢间新餐厅嘅唯一败笔。睇返餐牌，其实拉面铺主要有两种汤底，一种系酱油，一种系猪骨。而且分别有拉面同埋沾麺两种选择。试咗个特及酱油拉面。相比起出面嘅汤底，呢度嘅汤底多左一阵小鱼干嘅味道。香浓嘅酱油加上小鱼干嘅味道，真系别有一番鲜甜。同行嘅朋友就食咗沾面，同拉面唔同嘅，汤另一种柠檬味，食十分新鲜。呢次拉面之行相当满意，味道唔系差，不过个感觉唔同，如果魂拉面比我嘅感觉系精品，东京就有一种家庭式嘅感觉。有一种温暖。