影片
更多
2021-04-11
2752 浏览
每次去丼吉日式吉列猪排专门店都唔会失望。佢哋嘅炸物全部都炸得好松脆，又唔会油淋淋。每一项炸物都会跟埋一堆新鲜嘅椰菜丝，仲可以不断添加。一边食炸物，一边食椰菜丝，可以中和油腻嘅感觉。今次我哋order咗个三人餐($788)，个餐包括：炸猪扒、炸猪柳、炸大虾同炸生蚝。另外有跟白饭，面豉汤同水果。炸猪扒同炸猪柳沾上鲜磨嘅芝麻同酱汁，更加美味。炸大虾同炸生蚝就可以沾Tartar sauce 或柠蜜汁。相比之下，我钟意炸猪柳多过炸猪扒。炸猪扒脂肪较多，不过肉质都嫩滑D；炸猪柳只有瘦肉，口感实在D。我先生就钟意食炸猪扒，我个仔就两款都ok，所以叫呢个餐就可以各取所需喇。唔知个侍应系咪新人呢？当食物嚟到嘅时候，佢好似唔知道应该点样摆D食物上枱，摆到乱晒。除咗个一大盘炸物放喺中间之外，佢将我地每个人嘅白饭、面豉汤、腌菜、碟，都求其放喺枱上面，而唔系一份份放好，要我地自己摆返整齐😅
今次我哋order咗个三人餐($788)，个餐包括：炸猪扒、炸猪柳、炸大虾同炸生蚝。另外有跟白饭，面豉汤同水果。
炸猪扒同炸猪柳沾上鲜磨嘅芝麻同酱汁，更加美味。炸大虾同炸生蚝就可以沾Tartar sauce 或柠蜜汁。
相比之下，我钟意炸猪柳多过炸猪扒。炸猪扒脂肪较多，不过肉质都嫩滑D；炸猪柳只有瘦肉，口感实在D。我先生就钟意食炸猪扒，我个仔就两款都ok，所以叫呢个餐就可以各取所需喇。
唔知个侍应系咪新人呢？当食物嚟到嘅时候，佢好似唔知道应该点样摆D食物上枱，摆到乱晒。除咗个一大盘炸物放喺中间之外，佢将我地每个人嘅白饭、面豉汤、腌菜、碟，都求其放喺枱上面，而唔系一份份放好，要我地自己摆返整齐😅
张贴