影片
更多
2006-12-16
5 浏览
约一众兄弟倾国家大事，要揾个地方食晚饭，我谂都唔使谂就决定响呢度...已嚟过N咁多次，都唔需要望餐牌就可以order...先嚟例牌乳猪拼生肠。乳猪皮脆肉嫩，生肠大大碌之余仲爽到嗦嗦声，令人啧啧称奇；再嚟西生菜鹌春崧，好惹味，咸度刚好；镇店菜之一锅贴明虾拼炒奶，面包炸得金黄且脆，虾亦够新鲜弹牙；炒奶好滑好香，足证大师傅嘅功力。系我食咁多次入面做得最好嘅一趟；压轴好戏就系自己从未试过嘅玉簪田鸡腿。呢味嘢系一定要预订嘅，因为绝对系碟功夫菜--- 先将整大只田鸡起晒骨，跟住再酿入冬菇丝、露笋及金华火腿丝而同煮，田鸡肉嫩，配合上述三种配料，系从未试过嘅味道及口感，只碟差唔多一滴多余嘅汁都冇，D田鸡完全索晒所有味，精彩；最后嘅瑶柱荳苗，新鲜翠绿，食落竟然有爽嘅感觉，再令人啧啧称奇..同枱未嚟过呢度食嘢嘅死党都赞不绝口..太精彩嘞...下次加埋个野鸡卷就真系完美之极...
已嚟过N咁多次，都唔需要望餐牌就可以order...
先嚟例牌乳猪拼生肠。乳猪皮脆肉嫩，生肠大大碌之余仲爽到嗦嗦声，令人啧啧称奇；
再嚟西生菜鹌春崧，好惹味，咸度刚好；
镇店菜之一锅贴明虾拼炒奶，面包炸得金黄且脆，虾亦够新鲜弹牙；炒奶好滑好香，足证大师傅嘅功力。系我食咁多次入面做得最好嘅一趟；
压轴好戏就系自己从未试过嘅玉簪田鸡腿。呢味嘢系一定要预订嘅，因为绝对系碟功夫菜--- 先将整大只田鸡起晒骨，跟住再酿入冬菇丝、露笋及金华火腿丝而同煮，田鸡肉嫩，配合上述三种配料，系从未试过嘅味道及口感，只碟差唔多一滴多余嘅汁都冇，D田鸡完全索晒所有味，精彩；
最后嘅瑶柱荳苗，新鲜翠绿，食落竟然有爽嘅感觉，再令人啧啧称奇..
同枱未嚟过呢度食嘢嘅死党都赞不绝口..
太精彩嘞...
下次加埋个野鸡卷就真系完美之极...
张贴
