81手工餃子

营业中

休息中

朋友知道我钟意食饺子，因此极力推荐我一定要试呢一间位于元朗的饺子小店。老老实实，呢几年在元朗都开咗唔少呢D专卖所谓手工饺的小店，我之前都有试过，总觉得唔系唔好食，不过似乎都系无乜惊喜，所以一直无乜动力去试下呢一间，不过今日Lunch Time在元朗，想起未试呢间野，于是决定去试一试佢嘅饺子，结果就如标题一样，真的喜出望外。呢间小店好好，双拼竟然唔洗加钱，不过佢有好多款饺，真心选择困难症，最后点了香菇木耳鸡肉饺同埋沙葛猪肉饺各四只放汤(因为佢个花胶淮山汤底似乎好正)。香菇木耳鸡肉饺同埋沙葛猪肉饺之中，我自己比较钟意后者，沙葛好爽，"shock""shock"声，但又唔会一味只有沙葛无乜猪肉，我觉得佢D料嘅比例配得唔错。虽然话钟意沙葛猪肉饺多D，不过其实个香菇木耳鸡肉饺都好味嘅，木耳都爽，同埋都食到有菇嘅香味。至于个汤虽然无我想像中会似炖汤，不过我都真系食到一粒花胶，真系真材实料，碗汤净饮都抵。另外题外话，之前见D Post话店员无礼貌，我又唔觉，反而觉得D阿姐好Nice添。