魚味市場居酒屋 (已結業)

喺西环经常会有啲偏僻而且性价比高嘅小店，今日就比我揾到呢间鱼味市场居酒屋，里面嘅嘢食真系有水准。尤其是佢啲刺身，我哋叫咗个活赤贝刺身，真系原只贝壳上，里面嘅赤贝切成一条条，爽口弹牙，下面用冰块震住保持新鲜度，点上wasabi，口感更过瘾。而且甜甜的，非常新鲜。另外我们叫了朴叶炭烧一口牛，真系好搞笑，坚系放左块叶喺个火炉上面烧！上面有10几粒一口和牛，全部咬落去嘅时候都好有牛味，好香浓，而且唔会太硬身同埋太韧。最奇怪系块叶竟然唔会烧焦真系神奇！我哋每人叫咗个饭或者拉面，分别系吉列猪扒饭，佢嘅吉列酱真系好正酸酸甜甜充满日式风味，而且佢嘅猪扒外面炸得好脆身，不过里面嘅肉有少少硬，但还可接受的。我就叫咗个叉烧拉面，啲叉烧都有好多块，而且佢嘅汤底系有少少辣，调一调味几过瘾。虽然拉面唔可以媲美百几蚊嘅拉面，但系佢嘅性价比真系超级高了。最后我地饮左店员为我地坐热嘅清酒同埋波子汽水，清酒真系好好饮！有少少灼热的感觉但是又会乐在其中。