影片
更多
2019-06-27
108 浏览
下午茶食厌了大X活，今日回到自己小时候生活的福荣街揾野食，发现呢间濑粉主题嘅店铺。小弟系五邑人，细个都成日食濑粉，加上有下午茶优惠，免费送饮品，所以即刻决定入去一试。店面都阔落，我揾左个好似日式拉面店咁样嘅吧台位坐，中式粉面嘅酱料都一应齐全。好似X记车X面一样嘅招牌推荐同点餐方式。环保方便。下午茶时间食量有限，虽然想试多几款推荐美食，最后拣左三款最想食嘅，同埋当然要试主角濑粉。送饮品真系好体贴，毕竟平时食粉面都冇餐饮或者要加好多钱，有返杯嘢饮真系令成个进餐体验升级。餐饮黎先，热辣辣即冲菜蜜。濑粉上了，配菜铺满面，睇唔到濑粉XD汤勺有花生、葱同芝麻，虽然笔者全部都食，但如果有个嘢可以分开装唔食嘅就好了。拨开配菜，可以见到有芽菜同韭菜嘅汤底入面浸住嘅粗濑粉，成支筷子咁粗。食落表面有粘劲、索汤；内里弹牙爽滑，汤底鲜甜仲有牛腩嘅腩汁味，相当配合。鲜虾云吞，有鲜浓虾味，亦有猪肉碎，牛腩2大旧（应该话2条啱D）肥瘦相间，唔会干唔会鞋，牛味同香料味都很突出。不愧系推荐菜式。笔者最爱嘅猪润，可以话喜出望外。本身见到三大块又厚已经好兴奋，咬一啖爽脆鲜嫩，睇个咬口完全熟透，唔会煮过龙鞋口，而且调过味，绝对
下午茶食厌了大X活，今日回到自己小时候生活的福荣街揾野食，发现呢间濑粉主题嘅店铺。小弟系五邑人，细个都成日食濑粉，加上有下午茶优惠，免费送饮品，所以即刻决定入去一试。
店面都阔落，我揾左个好似日式拉面店咁样嘅吧台位坐，中式粉面嘅酱料都一应齐全。
好似X记车X面一样嘅招牌推荐同点餐方式。环保方便。
下午茶时间食量有限，虽然想试多几款推荐美食，最后拣左三款最想食嘅，同埋当然要试主角濑粉。送饮品真系好体贴，毕竟平时食粉面都冇餐饮或者要加好多钱，有返杯嘢饮真系令成个进餐体验升级。
餐饮黎先，热辣辣即冲菜蜜。
濑粉上了，配菜铺满面，睇唔到濑粉XD
汤勺有花生、葱同芝麻，虽然笔者全部都食，但如果有个嘢可以分开装唔食嘅就好了。
拨开配菜，可以见到有芽菜同韭菜嘅汤底入面浸住嘅粗濑粉，成支筷子咁粗。食落表面有粘劲、索汤；内里弹牙爽滑，汤底鲜甜仲有牛腩嘅腩汁味，相当配合。
鲜虾云吞，有鲜浓虾味，亦有猪肉碎，
牛腩2大旧（应该话2条啱D）肥瘦相间，唔会干唔会鞋，牛味同香料味都很突出。不愧系推荐菜式。
笔者最爱嘅猪润，可以话喜出望外。本身见到三大块又厚已经好兴奋，咬一啖爽脆鲜嫩，睇个咬口完全熟透，唔会煮过龙鞋口，而且调过味，绝对值10蚊。
仲有翠绿嘅通菜，干净健康。而且有擎干水，唔会有一般粉面店水沟腐乳嘅情况出现，食得放心又舒服。可惜系腐乳有D太咸，可以改进一下~
大大碗食到抱住个肚走，嘴巴同舌头都一样满足。可以再帮衬，试其他配料。
张贴
