影片
更多
2014-02-24
3100 浏览
去探老友，又点可以两手空空，既然出开尖沙咀睇展览，就想起不如嚟位处The Mira酒店大堂内嘅饼店COCO，买几件冻饼跟老友一齐下午茶，试吓佢啲即磨咖啡，慢慢闲聊。COCO都喺第一次帮衬，开放式设计，跟酒店大堂连成一体，而装修时尚型格。一列几组饼柜，有大个装蛋糕、朱古力、冻饼、杯子蛋糕，全部都设计独特、卖相精致，整齐排列晌玻璃饼柜中，犹如一间瞩目嘅精品店 。除甜点以外，餐厅亦有提供咖啡及其他饮品。目标喺冻饼，所以，都无乜多花时间睇其他嘢。是日冻饼一共有8款，老实讲，款款都做得精巧细致，卖相吸引，真喺一时间选择困难候群症又出现。定价上，始终都喺酒店级数，一件件装蛋糕闲闲哋都要$40+，所以，如银根松动大可不妨晌度叹个下午茶，轻轻松偷得浮生半日闲，再想好享受啲，甚至嚟个高茶都得添 。为3款冻饼影相之时，就等待老友嘅即磨咖啡，虽然咖啡没有加压，但味道依然醇香。顺带一提，蛋糕除咗黏在银色卡纸上，亦有双面胶纸固定晌饼盒内，而杯子蛋糕更放晌个别特制饼盒固定，唔会轻易被左摇右摆，值得一赞 。 CocOpera $45 COCO嘅招牌冻饼，以知名嘅法国歌剧院蛋糕为蓝本，净睇外观已叫人赏心
COCO都喺第一次帮衬，开放式设计，跟酒店大堂连成一体，而装修时尚型格。一列几组饼柜，有大个装蛋糕、朱古力、冻饼、杯子蛋糕，全部都设计独特、卖相精致，整齐排列晌玻璃饼柜中，犹如一间瞩目嘅精品店 。除甜点以外，餐厅亦有提供咖啡及其他饮品。
目标喺冻饼，所以，都无乜多花时间睇其他嘢。是日冻饼一共有8款，老实讲，款款都做得精巧细致，卖相吸引，真喺一时间选择困难候群症又出现。定价上，始终都喺酒店级数，一件件装蛋糕闲闲哋都要$40+，所以，如银根松动大可不妨晌度叹个下午茶，轻轻松偷得浮生半日闲，再想好享受啲，甚至嚟个高茶都得添 。
为3款冻饼影相之时，就等待老友嘅即磨咖啡，虽然咖啡没有加压，但味道依然醇香。顺带一提，蛋糕除咗黏在银色卡纸上，亦有双面胶纸固定晌饼盒内，而杯子蛋糕更放晌个别特制饼盒固定，唔会轻易被左摇右摆，值得一赞 。
CocOpera $45 COCO嘅招牌冻饼，以知名嘅法国歌剧院蛋糕为蓝本，净睇外观已叫人赏心悦目，一共6层嘅CocOpera，绝对喺心机及耐性之作 ，由下而上：薄层杏仁海绵蛋糕饼底、咖啡朱古力硬浆（ganache）、薄层杏仁海绵蛋糕、果仁牛油忌廉、威化脆脆、纯黑朱古力浆，偏甜喺必然，但味道及质感富层次而多变，有杏仁、咖啡嘅香，又有朱古力嘅浓甜，亦有牛油忌廉嘅香滑，确喺一款既滋味，而有个性嘅甜品。如果面层嘅镜面朱古力做得更滑溜、更𫞠身，就无懈可击嘞 ！
Blueberry Chic $42 一丛紫色外表，配衬埋新鲜嘅蓝莓及银箔为装饰，堪称外型高贵、脱俗。以朱古力饼干为饼底，满以为饼身只喺单单蓝莓芝士之时，切开先发现内有干坤，原来里面夹有两屠鲜蓝莓果蓉 。蓝莓芝士部份带有浓郁芝士味，但又不失蓝莓香，味道上两者兼备，颇为平衡，而蓝莓果蓉鲜活带微酸，一齐都嚟得有个性 。
Matcha-Azuki $36 有别一般好美式嘅杯子蛋糕，扮到花喱花碌，相反，依个杯子蛋糕Matcha-Azuki，卖相就比较清秀，唔花巧，只喺糁上少少黑芝麻及放片朱古力片已矣。黑芝麻作为蛋糕底，加上红豆蓉馅心，再唧上花形抹茶忌廉，就呈现晌面前 。杯子蛋糕底芝麻味挺浓，不过质感略嫌太湿润，亦有少少粗糙感，幸好红豆蓉清甜好味，而抹茶忌廉柔滑如丝，好似食紧软雪糕咁，再者，抹茶嘅浓香又喺功不可没嘅一环。
「精致」喺想讲佢哋嘅卖相，「精巧」喺想讲饼厨嘅手功，「精品」就自不然讲味道、质素。总括而言，好睇又好食，贵．得嚟喺值 ！
张贴
