心裡有素 (已結業)

啱啱放完长假，又遇著圣诞同新年，真系疯狂食咗好多嘢，腰围迈向新巅峰！但食大咗个胃，要我一时间减食真系有难度，所以食得健康又要够饱，素食自助餐就啱晒！唔好以为素食就好闷好寡，油麻地嘅心里有素，食物高质精致，最重要系价钱亲民又抵食！心里有素以近年大热嘅素食自助餐为主打，分为午餐、下午茶同晚餐三个时段，用餐时间60-90分钟。油麻地心里有素嘅素食自助餐嘅菜式选择相当丰富，前菜冷盘、新鲜沙律、炒粉面饭、家常𩠌菜、炸物蒸物、汤品粥品、饮品甜品等，应有尽有，餐厅更不含五辛（即葱、蒜、韭菜、荞头同洋葱），所以亦非常适合五辛素食者。素食自助餐时段会不停refill同不定时加添新嘅𩠌菜，真系唔洗惊冇野食呀！所以呢度嘅素食自助餐出品新鲜热辣，大家记住食几多就拎几多，千祈唔好食剩做大晒鬼呀！素食自助餐食物选择非常多，私心推介嘅有黑椒薯仔、蒸水蛋同卤水豆腐，加埋颗粒分明嘅炒饭同有镬气嘅炒面，真系忍唔住系咁encore！另外，餐厅亦好贴心咁提供咗几款养生又好味嘅饮品，包括澳洲黑蜜糖柠檬水、罗汉果红枣茶同黑桑椹山楂茶，够晒解喝又健康呀！值得一赞嘅系餐厅非常细心，例如饮品嘅选项亦会随天气季节更换，好似近排天气冻咗，