影片
更多
2014-02-14
2384 浏览
早前约女友人TW出o黎食饭,男友都好耐冇同佢见面,就带埋男友出o黎,我o地约o左寻晚(12-2-2014 Wed)食,地点我就拣葵芳,方便大家.而食边间,TW o系西餐同呢间拣,拣o左呢间,因为多人可以share食多啲种类.哈哈,同我一样咁谂.好,就呢间.等齐人,未够7:00pm我o地就入去lu,时间咁早梗系唔多人,我o地系walk in客,就被安排坐o系最入面,同样待遇o既都有两枱客. 坐定后,我o地决定要二人套餐同再叫其他o野食,我o地要o左$368.00o既,o系等o既时候,我o地就食佢o既餐前小食－秘制自家萝卜.萝卜被腌到变成黄色,见有啲辣椒,应该系辣,我就先试少少,系,系辣,但只系少少辣,微酸微辣,萝卜又多汁,爽口同冇渣,超好食.餐前小食都咁有水准,我谂呢o度都唔差o挂. 好, o野食陆续上o黎:1. 套餐中o既南国小食双拚,四喜烤夫拼百页卷卖相好靓,份量梗系唔多,先食四喜烤夫,呢个好入味,外面仍有少少脆 ;百页卷味道好浓,食到有中国芹菜,呢个一般吧.2. 套餐中o既清炒河虾仁呢个真系好清,唔蘸醋食食到虾o既浓郁鲜味,而佢系少到o岩o岩熟,所以一啲都唔’o鞋’. 3.
等齐人,未够7:00pm我o地就入去lu,时间咁早梗系唔多人,我o地系walk in客,就被安排坐o系最入面,同样待遇o既都有两枱客.
坐定后,我o地决定要二人套餐同再叫其他o野食,我o地要o左$368.00o既,o系等o既时候,我o地就食佢o既餐前小食－秘制自家萝卜.
萝卜被腌到变成黄色,见有啲辣椒,应该系辣,我就先试少少,系,系辣,但只系少少辣,微酸微辣,萝卜又多汁,爽口同冇渣,超好食.餐前小食都咁有水准,我谂呢o度都唔差o挂. 好, o野食陆续上o黎:
1. 套餐中o既南国小食双拚,四喜烤夫拼百页卷
卖相好靓,份量梗系唔多,先食四喜烤夫,呢个好入味,外面仍有少少脆 ;百页卷味道好浓,食到有中国芹菜,呢个一般吧.2. 套餐中o既清炒河虾仁
呢个真系好清,唔蘸醋食食到虾o既浓郁鲜味,而佢系少到o岩o岩熟,所以一啲都唔’o鞋’. 3. 另叫$68.00o既糖醋小排骨
我觉得奇,点解呢个唔系套餐o既𩠌咁快到o黎?唔通整定o既?
而份量呢,少到冇人有,呢个系散叫个㖞,咁似二人份o既?但睇个样应该几好食.TW先食,佢一食就即刻大叫冻o既. 糖醋小排骨唔系热食o既咩?点会冻食o架?唔怪得咁快有啦.我都食先,系冻,但又浓又杰o既酱汁非常美味,肉质又够松,真系好可惜佢系冻,影响食味.
4. 套餐中o既花胶鲜鱼羹
一人有一碗用洋烛热住,呢个系落单时侍应话帮我o地加汤,可以睇到满布菜粒同豆腐粒o既羹好清,食落,味道都一样咁清,只要菜粒同豆腐粒,加少少上汤打个献就掂,我都可以识俾朋友食.而里而都有鱼肉粒,同一条条半透明似蒟蒻o既o野,呢啲就系花胶? 5. 套餐中o既稻草肉配荷叶饼
稻草肉有啲似东坡肉,不过佢只系面上o个层系肥,下面系全瘦肉,由于三个人食,男友就将啲肉cut开,TW话怕肥,就只食半件瘦o既.其余o既就由我同男友食,我o地将件稻草肉放入荷叶饼内夹住食,但真系大件o左,所以都系要cut开一半,件稻草肉肥o既部份固然腍晒,而瘦o个啲,唔够腍亦唔入味,呢个比较逊色,至于荷叶饼,软软熟熟同微暖,还可以.
6. 套餐中o既招牌小笼包
共有四个,要趁热食,每次食小笼包我都会好小心,一怕夹穿漏汁,二怕唔小心被汤汁烫亲.呢个第一关过o左,食落,内里汤汁都几多,味道都几浓郁,唔差.
7. 套餐中o既上汤时蔬
份量一样系好少,但菜心够甜同腍,上汤咸淡亦适中.
8. 另叫$25.00o既灌汤生煎包一客三个o岩o岩好,端到o黎即刻令我谂起荃湾o既祥兴记上海生煎包,因为佢o既卖相都一样,折口向下,同样煎到金黄色,不过呢边就整平o左.
食落,亦都系有好多汁同好热,底个几脆,
但包皮比祥兴记烟韧同松啲,呢个比较优胜. 9. 另叫$65.00o既例牌o既南国葱油开洋拌面
由于我o地都觉得唔多够,于是男友就叫呢个,
呢个颜色好深,夹起食o既时候成一饼饼黐住,就算夹到,放入碗内布夹起o黎食都黐住.至于味道,佢甜甜地但又带有少少豉油o既咸香,较得唔错,不过...都系有啲味精,而面o既腍度都适中.
10. 套餐中o既时令甜品
我o地估会系咩o野上海甜品,酒酿丸子?枣糕?高力豆沙?o黎到喇,通通都唔系,竟然系木瓜雪耳糖水.=.=”都舀得几满,雪耳o既软硬度都适中,糖水只系淡淡o既甜味,我就觉得唔够甜.
服务:
女侍应每上一个菜,都用国语话我o地知系咩o野菜,男友就用广东话讲返,佢就教我o地讲国语,哈哈.
而由于佢o地上菜速度奇快,到近尾声上菜冇乜位摆时,女侍应扮惊讶我o地叫咁多o野食搅气氛.
环境:
o系出面望入o黎好光猛舒适同高档,但原来行到最入有好大分别,系啲凳o既问题,令o个个范围跌o左一级,同普通酒楼冇乜分别.
呢餐埋单共$677.00.
张贴
