影片
更多
2023-12-09
651 浏览
呢间上海菜馆由环境装修至碗碟筷子到食物质素都非常精致，真系又好睇又好食。先来小食︰臭豆腐真系臭但又唔系好臭，味道啱啱好，豆腐本身做到外脆内软，点甜酱同辣椒酱就系必须啦。麻辣香炸凤尾鱼做得好好，本来想走辣，不过老板话少少辣好食D所以要咗少辣，佢个凤尾鱼好脆，外面有一层薄薄嘅蜜糖再加少少芝麻令到个凤尾鱼再香D，佢呢只凤尾鱼比起传统上海舖食到嘅细条D。跟手叫点心︰小笼包有板有眼，皮薄馅靓，入面嘅汤量适中，而且个温度亦控制得好好，因为真系唔系一味热就好，要就翻人客进食嘅状况先至系上选。鲜肉锅贴好难得系传统煎到好似有张纸咁样嘅，而且个锅贴皮唔会好厚，又唔会煎到好㶶，其实好似呢间咁少少㶶令佢有香味就非常好，好多地方煎得太㶶反面会有苦味。主菜︰呢个外婆鱿鱼红烧肉整得好好食，特别系D鱿鱼，老板话红烧肉要有鱿鱼吊一吊味先至好食，又真woo，真系香D。鱿鱼同红烧肉都好入味，红烧肉D脂肪部份有弹性唔会林pat pat，仲有佢个卤水流心蛋都好食。狮子头嘅肉混得几好，不过焦点在于下面垫底嘅菜苗，吸晒狮子头D味，同埋佢个笋都靓，如果多多几片会更好。主食︰反观两个主食只属一般，可能前面𠮶D太精彩啦。上海粗炒唔算炒得
先来小食︰
臭豆腐真系臭但又唔系好臭，味道啱啱好，豆腐本身做到外脆内软，点甜酱同辣椒酱就系必须啦。
麻辣香炸凤尾鱼做得好好，本来想走辣，不过老板话少少辣好食D所以要咗少辣，佢个凤尾鱼好脆，外面有一层薄薄嘅蜜糖再加少少芝麻令到个凤尾鱼再香D，佢呢只凤尾鱼比起传统上海舖食到嘅细条D。跟手叫点心︰
小笼包有板有眼，皮薄馅靓，入面嘅汤量适中，而且个温度亦控制得好好，因为真系唔系一味热就好，要就翻人客进食嘅状况先至系上选。
鲜肉锅贴好难得系传统煎到好似有张纸咁样嘅，而且个锅贴皮唔会好厚，又唔会煎到好㶶，其实好似呢间咁少少㶶令佢有香味就非常好，好多地方煎得太㶶反面会有苦味。主菜︰
呢个外婆鱿鱼红烧肉整得好好食，特别系D鱿鱼，老板话红烧肉要有鱿鱼吊一吊味先至好食，又真woo，真系香D。鱿鱼同红烧肉都好入味，红烧肉D脂肪部份有弹性唔会林pat pat，仲有佢个卤水流心蛋都好食。
狮子头嘅肉混得几好，不过焦点在于下面垫底嘅菜苗，吸晒狮子头D味，同埋佢个笋都靓，如果多多几片会更好。主食︰
反观两个主食只属一般，可能前面𠮶D太精彩啦。上海粗炒唔算炒得好香，不过真系少油嘅，上海菜少油真系好难得。个咸肉炒饭就麻麻，个饭炒得唔够干，影响到饭焦嘅形成，而且味道亦偏咸，不过菜饭用嘅菜好新鲜，唔系用𠮶D卖净嘅菜头菜尾黎整。
张贴
