星十五

营业中

休息中

今次同朋友去咗呢间位于尖沙咀嘅新派糖水店，食完饭直落呢间中式糖水店，佢嘅装修以白色为主，都几雅致同坐得舒服。我哋叫咗二人六六格，包咗三款点心同两款糖水，有咸有甜依个组合几好，点心拣咗酒醉糖心蛋，酒香鸡翼同咖喱鱼蛋，酒香蛋同鸡翼都几入味，而咖喱鱼蛋都几大粒同弹牙。而中式糖水就有杏仁糊同陈皮红豆沙，整体都唔错，合桃糊入边仲有好多莲子，同埋钟意佢个陈皮红豆沙好重陈皮味，仲煲到微微起沙我哋仲叫咗个芝麻糊，佢芝麻糊嘅味道都浓郁，本身我唔算特别钟意食芝麻糊(因为有阵时有啲芝麻糊会有浸怪味)，但佢呢个又OK，味道恰到好处。