中華滙館 (已結業)

朋友带我黎呢间餐厅食下啲贵价中菜。一入到门口总系觉得系边套电影见过，但又忘记左系边套。真心钟意呢种装修风格，蓝蓝白白既色combine好好睇。餐具都好好睇。职员服务到位，经常换碟添茶。凉拌海蜇头健康既海蜇头，麻油味增添香味。卤水鹅掌鹅掌相当入味，卤水味相当浓郁。黄金脆鲜菌其实系咸蛋黄同菌类炒埋一齐。咸蛋黄味好重，以为会好heavy，但系又同口感清淡既菌类好夹，菌类既清淡完全中和番咸蛋黄既重口味。系最最最好食既一味菜。香草鹅肝脆云吞一拎出黎刚刚炸好，热辣辣。香槟石榴粿我朋友食左呢个，佢话入面香香又多汁，系第三好食既菜式。松露鲜菌香菇包望落好特别咁，好似个冬菇咁，入面松露味相当重。黑鱼子鲍鱼芋盒芋头入面有啲好香既菇类，令原本好单调既芋头增色不少。叉烧焗餐包西施牛尾系第二好食既菜色。牛尾浓郁之余，又煮得好软冧，系相像之上既好食。鸡粥鸡粥相当鲜甜，鸡件也好滑好好味。