農

营业中

休息中

有时去开科学园，一直都有留意开呢间嘢，见佢食物嘅卖相好精致，好有创意，于是揾日趁平日早左收工，就的起心肝，同老婆特登搭车入去科学园试吓呢间餐厅。平日夜晚入到科学园都好静局，但系去到呢间餐厅就发觉好多人食，好彩我哋都唔使等位。我哋见好多嘢都好精致，就忍唔住嗌咗好多𩠌。有几样我想特别提下，第一个系个蜜汁叉烧，烧出嚟好脆好香，加埋啲蜜汁味味道一流。第二样嘢系个冰菜。之前都冇食过用呢个方式整嘅菜，食落好新鲜、好开胃。只乳鸽都好正，烧得非常之香口。重点就系个火焰菠萝炒饭，上个菜之后，店员就点火烧个菠萝皮，有得打卡之余，亦都非常好味。然后佢个肉骨茶，系用一个紫砂茶壶装住，饮汤嘅时候逐少逐少倒落个茶杯度，咁样饮汤真系好有风味。甜品一个系流沙奶皇包，用一个好可爱嘅鸡仔造型，啱晒女士影相。另一个甜品系柚子果精冻，系类似啫喱咁样，有柚子味好鬼清新。食完真系捧住个肚扶住到场早，咁嘅价钱好食之余，份量又够，抵食到不得了。