海幸壽司 (已結業)

今晚我们去咗何文田胜利道嘅「海幸寿司」食晚饭！我们叫咗几款唔同款式嘅卷物，每款嘅卖相都非常精致吸引，寿司饭亦唔会好松散！三文亲子卷嘅面层有鲜甜嘅三文鱼籽同芳香嫩滑嘅火炙三文鱼！虎虾天妇罗卷加鲔鱼腩蓉嘅虎虾相当大只，肉质超爽甜弹牙，鲔鱼腩蓉嘅肉质极之鲜甜嫩滑！蟹膏雪花蟹野菜卷嘅雪花蟹肉肉质好鲜味嫩滑，蟹膏好软滑香浓！明太子玉子烧嘅玉子烧得好软滑，入面包著惹味嘅明太子，味道亦唔会好咸！鲜鱼汤海鲜稻庭乌冬嘅汤底味道好鲜甜，乌冬嘅面质好烟韧弹牙！朴叶鳗鱼重嘅鳗鱼相当肥美肉厚，肉质好软滑弹牙！海幸丼嘅刺身非常新鲜嫩滑！紫芋甘栗饼嘅炸粉唔会好厚身，入面嘅紫芋蓉好软滑香甜！