影片
更多
2018-10-20
567 浏览
法国菜一向喺美食嘅保证，当然，都要睇吓间餐厅有无滥竽充数，不过，喺咪真材实料，其实一食就食得出。最近，中环区有唔少高级餐厅插旗，Le q Cafe & Bar就喺其中一家。呢日约咗旧同学有啲商务嘢倾倾，就嚟到Le q Cafe & Bar共进商务午餐。Le q Cafe & Bar比较特别，位处皇后大道中一座单幢5层高嘅旧楼，虽然全幢都属于佢，不过，各层楼有唔同用途。地下喺酒吧，一楼喺高级杂货铺，二楼以上喺唔同功能嘅用餐区。我哋被安排晌5楼用餐，对外两面都喺落地大玻璃窗，采光度十足，阳光太猛时，店员都好醒目会拉拉窗帘挡挡光。由于喺单幢楼，每层面积唔大，眼见都只喺12个位，装修简约，木地板，配以带金属嘅装饰，完全感觉唔到晌一幢旧唐楼内，显然都花过心思去打造。我哋两个人，正好窗边位有二人座，望落去，有少少街景景观。由于每层地方唔大，颇适合小型包场搞活动，事后问过店员，佢哋亦有提供包场服务，但就无再详问细节喇。由于厨房设晌地下，无理由吓吓啲食物由侍应从地下捧上去架，小弟啱啱坐晌「服务间」前，就见到专门运送食物用嘅升降机，已经好耐无见过呢啲设备喇。嚟食晏，基本上有两个选择，一喺快快手只有一道主
Le q Cafe & Bar比较特别，位处皇后大道中一座单幢5层高嘅旧楼，虽然全幢都属于佢，不过，各层楼有唔同用途。地下喺酒吧，一楼喺高级杂货铺，二楼以上喺唔同功能嘅用餐区。
我哋被安排晌5楼用餐，对外两面都喺落地大玻璃窗，采光度十足，阳光太猛时，店员都好醒目会拉拉窗帘挡挡光。由于喺单幢楼，每层面积唔大，眼见都只喺12个位，装修简约，木地板，配以带金属嘅装饰，完全感觉唔到晌一幢旧唐楼内，显然都花过心思去打造。
我哋两个人，正好窗边位有二人座，望落去，有少少街景景观。由于每层地方唔大，颇适合小型包场搞活动，事后问过店员，佢哋亦有提供包场服务，但就无再详问细节喇。
由于厨房设晌地下，无理由吓吓啲食物由侍应从地下捧上去架，小弟啱啱坐晌「服务间」前，就见到专门运送食物用嘅升降机，已经好耐无见过呢啲设备喇。
嚟食晏，基本上有两个选择，一喺快快手只有一道主菜嘅Express Lunch（$68），一喺就享受好啲4道菜再包埋啡茶嘅Business Lunch（$208）。
不过，仲想叹啲，无问题，友人特别安排咗个精选午餐（$480），同样喺4道菜，包餐饮，但用料更精。
Focaccia由店员倒下橄榄油及黑醋后，转头就送上自家制面包篮，细心用白布冚住保温。虽然无问面包喺咩名堂，但食落似喺加咗黑橄榄嘅意大利香草包（Focacia），入口面层脆脆哋，包心就好松软。沾上油醋，简单好食。
Focaccia
23 浏览
0 赞好
0 留言
头盘喺两款唔同产地嘅风干火腿，前者喺意大利嘅巴马火腿（中间卷起𠮶埋），后者喺西班牙嘅山区火腿（平放𠮶一大片），两者各有特色，咸香紧致，而山区火腿就稍为再油润啲。将火腿卷住已焦糖化嘅无花果，再沾少少松露蜜糖酱，𠮶份咸与甜嘅交融，令味道嘅变化确喺好微妙、好丰富。
Parma Ham, Serrano Ham
24 浏览
0 赞好
0 留言
Risotto呢一道有啲似喺法国菜嘅小主菜（Entree），因为份量唔少，又安排晌主菜之前。咪睇个样好似普普通通，食得出甚高水准，一来米粒口感烟韧好对办，二来做得湿润而充满芝士香味，三来饭内混有带子及龙虾肉，自然美味升级，再者，比一般意大利无咁「漏」，多添份清爽感，皆因放咗啲意大利青瓜入饭内。
Risotto
12 浏览
1 赞好
0 留言
Chicken Roulade法式鸡卷可以讲喺经典法国菜之一，以法国春鸡肉嚟做，鸡肉本身已经好够嫩，加上师傅煎得恰到好处，所以，食落啲肉质感到无比柔嫩；而鸡肉卷住鹅肝酱、野菌，又沾满松露油，入口𠮶份幽香、绵滑感，非常突出。此外，伴菜亦有心思，意大利青瓜及黄瓜都裁到细细件，一口一小件，仲有啲初时以为喺薯仔，咬落腍腍哋，又带点爽口，再细看先知喺淮山嚟，真特别。
Chicken Roulade
17 浏览
1 赞好
0 留言
Baked Ocean Sea Bass Fillet至于呢一道烤鲈鱼柳，卖相就真喺极富特色，以耐热玻璃纸袋起成份鲈鱼，其实，曾经晌佐敦一家铁板烧店见过呢种玻璃纸，当时已觉得好神奇，因为，竟然可以直接放晌铁板度加热。甫剪开袋口，蕃茄嘅香气已立时涌出，然而，鲈鱼出奇地保持皮脆肉嫩，鱼味浓郁，喺具质素嘅鱼柳；而惊喜喺底下仲有其他海鲜料：鱿鱼圈、大蚬，均喺靓料，入口富鲜味。
Baked Ocean Sea Bass Fillet
27 浏览
0 赞好
0 留言
两道精彩嘅主菜后，就喺甜点，甜点喺意式奶冻嘅加强版，卖相清爽。先喺奶冻加入椰奶，既有奶香，又有椰香，只喺质感略嫌有丁点实；而伴碟嘅唔喺「求其」摆啲生果，而喺用上煮过嘅鲜菠萝粒及橙肉，酸酸甜甜之下，更托出奶冻嘅香浓奶味。
即磨咖啡、热柠檬茶晌上甜品前，先嗌埋餐饮，衬甜品小弟十居其九都喺叫咖啡，简单一杯即磨咖啡，送上嚟嘅奶都喺有加热嘅，一小口奶冻，一小啖咖啡，都喺段餐后美妙时光。
整个午餐嘅用料、烹煮手法都非常高水准，而且，菜式丰富。不过，我哋都不约而同觉得实在「丰富」过头，如果将意大利饭份量减半，再晌呢道小主菜之前，加一客餐汤，伴伴面包，就更理想。另外，用餐环境清静，服务又熨贴用心，让人都用餐好称心。
张贴
