Favilla Cafe (已結業)

第二次嚟呢度食lunch，仍然好满意，所以要写返个食评赞下佢。呢间小店主打日式定食，除咗定食，仲会有all day breakfast。午餐唔包嘢饮，野饮可以选择咖啡、水果茶，餐牌上价钱减$15。基本上套餐已经包左汤，所以都唔一定要叫嘢饮。咖啡选择都有几款，可以见到系一啲特别嘅咖啡豆。今日叫咗个烧缟花鱼定食，系好精致㗎，但系份量又唔会好少，女仔嚟食一个定食会好饱。呢条鱼烧得好好好，但系真系太多骨，有啲后悔叫咗呢个。上次试过佢个蒲烧鳗鱼蛋饭定食同堆鸡卷定食，系好好食！系咪好靓呢伴碟仲有一个薯球同沙律菜好。再饮埋个花茶，成个午餐好完美。佢个餐单会不定期转，下一次就未必食得返同一样嘅菜。下次都会再嚟！唯一唔好就系呢间小店实在太细啦。应该得10个位左右，lunch时间要好早嚟先会唔驶等位可以入座。