壹壹漁一 (已結業)

今日去咗位于大角咀帝盛酒店入边嘅壹壹渔壹食lunch虽然餐厅位于酒店入边，但价钱同普通嘅餐厅分别不大，而且选择都几多。除咗有日式嘅鱼生饭之外，亦都有西式嘅意粉，又有泰式嘅面条，选择多元化。而且午市套餐已经包左三色前菜、时令沙律同埋是日餐汤，够晒丰富。 我哋叫咗一份角切鱼生丼，一份蒲烧鳗鱼伴烧饭团。三款前菜分别有腌萝卜、枝豆同埋中式嘅饺子，有三种唔同国家菜式嘅风味餐汤就系泰式嘅冬阴功汤，酸酸辣辣，好开胃。沙律份量都几多，加埋藜麦，够健康。鱼生丼并唔系用一般嘅碗去载着，而系用咗一只浅碟，再用寿司蛋糕嘅形式奉上，卖相精致。而且鱼生嘅种类多，除咗有三文鱼之外，仲有带子、吞拿鱼、蟹柳等等，全部都非常之新鲜。蒲烧鳗鱼原条奉上，够晒震撼，配上日式嘅烧饭团，感觉系一件加大码嘅寿司。烧饭团配上蒲烧鳗鱼嘅酱汁，味道浓郁香口。