霸王川莊 (iSQUARE國際廣場)

营业中

休息中

午市都食得好高档😉午餐中式五道菜。餐厅座位好阔落，而且位于高层，所以会见到海景，中午时段非常写意。前菜方面，鲜芦笋拌牛舌心，食落先知原来系冷盘。芦笋非常之嫩口，但系大大条都咬落去冇渣。牛舌心切得劲薄，但薄薄一片已经牛味香浓。主食方面，有2款，可以拣水煮鱼或者酸菜鱼🌶唔食辣嘅朋友仔都唔使惊，可以拣酸菜鱼🤣🤣🤣酸酸地几过瘾，鱼质非常嫩滑，鱼嘅份量好多，非常之大片而且好入味，配菜有薯粉，所以唔使担心唔够饱。汤感觉唔算太肥腻，可以饮少少。干扁四季豆，唔会炒得过林，而且甜甜地，有啲肉碎，用嚟捞饭好好食。甜品有重庆黑糖糍粑😃呢个真心正，热辣辣即时查出嚟，外层脆内里软熟好好味。