Chelsea Garden & Restaurant (裝修中)

今日喺佐敦揾到一间楼上舖，见到餐牌有午市套餐，所以就上楼试吓。上到去发现餐厅装修得好精致，窗边挂咗好多植物，一个个圆形球体玻璃瓶，好特别。另一边墙身有一啲假花，装修优雅，座位唔多，密度低，坐得好舒服，好适合一班朋友慢慢食，慢慢倾偈。午餐包括左餐汤、谷物面包、水牛芝士沙律、餐饮，同埋一款主菜。我一行两个人，分别拣咗「蓝莓乳酪三文鱼扒」同埋「蜜糖芥末酱牛扒」。两款主菜都做得好出色，香煎三文鱼柳，鱼皮煎得好香脆，三文鱼肉好香滑，加上少少调味，好perfect。牛扒拣咗七成熟，牛扒好香牛肉味，感觉好新鲜，非常推介，牛肉嘅质感好林，好似慢煮嘅感觉，调味酱系分开上嘅，本身牛扒少少调味，所以唔点酱汁都好好味。