Tartes & Pop

营业中

休息中

店面甚细，位于西港城汁边，由外国经营，有大隐隐于市之感。虽然舖细，但系极有空间感，柜台位置不大，而且只有一边有几个面壁坐位，中间有一大片空间，令到细小嘅店面都唔会俾人局促嘅感觉。今日天气极好，外卖咗两件挞，到海边食。第一件系黑芝麻抹茶。上有抹茶糕同粉，中间有一层黑芝麻味饼层，下面再有一阵软蛋糕层，然后成个再被一个茶味极浓又似乎有黑朱古力味嘅饼底包住。外表靓之余，一咬落去，无论味道口感都劲有层次，非常正！第二个系柠檬挞，上面有三块gianduja朱古力，中间系柠檬糕，再加个饼底。柠檬层够柠味，够软又够甜，加埋朱古力香的确唔错。不过味道太重，成个食晒会有少少滞，最好share食。近港澳码头，以后路过必食。