影片
更多
2021-05-26
55 浏览
今日放假一个人出咗尖沙咀sogo感谢祭血拼, 行咗劲耐! 肚饿起上嚟谂起隔离谷辰好似系有嘢食㗎㖞行到埋去先知果个专区原来叫做米角, 主打日式饭团🍙同埋便当🍱日本菜经常见到叉烧同埋海苔嘅配搭, 无论拉面定系饭都系, 应该深受日本人喜爱, 而依度亦有得卖~~ order咗等紧嘅时候, 见到店员会用火枪将叉烧表面即场火炙🔥一啲都唔马虎👍🏻柚子酱油烧豚肉海苔五榖便当包装有日本文化嘅精致同简洁, 打开便当, 卖相吸引! 饭面上全部都系叉烧同埋各式嘅配菜。叉烧大块厚身, 肉质软嫩而且juicy, 表面因为刚刚火炙过带有焦香香味, 并且加上咗柚子酱油, 味道香甜带清新感, 配合埋刚刚好嘅肥膏, 入口香而不油腻❤米饭亦都有其特别之处, 用上五谷米混合秋田小町米, 入口啖啖都充满口感同埋米香❤其他配料方面, 好加分既海苔, 系用左日本名产有明海苔, 唔知系咪心理作用食落特别香, 仲有蕃茄仔小黄瓜可以当做小小既前菜。竹笋黑胡麻溏心蛋饭团 因为见到佢哋标榜由专业师父亲手掐掣嘅饭团, 米饭一样系由秋田小町米制作而成, display左出黎好多款式好吸引, 咁就决定买一个作为第二日嘅早餐🙂特别一赞系除左本身饭
行到埋去先知果个专区原来叫做米角, 主打日式饭团🍙同埋便当🍱日本菜经常见到叉烧同埋海苔嘅配搭, 无论拉面定系饭都系, 应该深受日本人喜爱, 而依度亦有得卖~~ order咗等紧嘅时候, 见到店员会用火枪将叉烧表面即场火炙🔥一啲都唔马虎👍🏻
柚子酱油烧豚肉海苔五榖便当
包装有日本文化嘅精致同简洁, 打开便当, 卖相吸引! 饭面上全部都系叉烧同埋各式嘅配菜。
叉烧大块厚身, 肉质软嫩而且juicy, 表面因为刚刚火炙过带有焦香香味, 并且加上咗柚子酱油, 味道香甜带清新感, 配合埋刚刚好嘅肥膏, 入口香而不油腻❤
米饭亦都有其特别之处, 用上五谷米混合秋田小町米, 入口啖啖都充满口感同埋米香❤其他配料方面, 好加分既海苔, 系用左日本名产有明海苔, 唔知系咪心理作用食落特别香, 仲有蕃茄仔小黄瓜可以当做小小既前菜。
竹笋黑胡麻溏心蛋饭团
因为见到佢哋标榜由专业师父亲手掐掣嘅饭团, 米饭一样系由秋田小町米制作而成, display左出黎好多款式好吸引, 咁就决定买一个作为第二日嘅早餐🙂
特别一赞系除左本身饭团既海苔外, 另外会有独立包装嘅佐贺县有明海苔, 就算好似我咁摆一晚, 食既时侯都有香脆既海苔🍙非常细心❤
饭团馅料有竹笋, 芝麻, 同埋原只溏心蛋。溏心蛋火侯掌控得啱啱好, 橙黄嘅流心蛋黄带出满满蛋香, 一啖咬落去除咗食到米饭烟韧嘅口感之外, 同时味道好似食紧浓缩版既酱油拉面咁, 好得意又好味🤤
张贴
