影片
更多
2018-02-15
258 浏览
Crostini 越开越多分店，最近仲开设埋堂食嘅bakery cafe。除左卖一般嘅面包、蛋糕以外，仲有售卖衣物、手袋等等，同样走简约风格。同妈妈一早就落街食个brunch，妈妈要左份All day breakfast ($98)，我则被佢个可以自由配搭嘅Super Bao Mix & Match ($59)所吸引。All day breakfast有两款，妈妈拣左有佢至爱嘅全麦提子面包果一set。制作时间比较长，但食物质素令人相当满意。首先不同嘅食材满布整只大碟，份量甚多。芝士猪肉肠入面嘅流心车打芝士，咸香味十足。烟肉烤得香脆适中，全麦提子面包有好香嘅麦味，又唔会太硬。一个人食晒绝对系饱到下晏。我嘅Super Bao Mix & Match，可以选择不同面包款式，内里嘅馅料、蔬菜同埋酱汁。先选择我的最爱 - 牛角包，配搭蟹肉沙律同罗马生菜，再加上千岛酱同黑松露酱。呢个组合混合嘅效果令我非常喜出望外，牛角包温热十分香脆，蟹肉沙律同罗马生菜面好新鲜，食出佢地本身嘅鲜甜味。可能已经有沙律酱嘅关系，千岛酱同黑松露酱味道唔算特出，但咁样先衬托出美味嘅蟹肉沙律。面包份量虽然不大，但用料丰富仍然
同妈妈一早就落街食个brunch，妈妈要左份All day breakfast ($98)，我则被佢个可以自由配搭嘅Super Bao Mix & Match ($59)所吸引。
All day breakfast有两款，妈妈拣左有佢至爱嘅全麦提子面包果一set。制作时间比较长，但食物质素令人相当满意。首先不同嘅食材满布整只大碟，份量甚多。芝士猪肉肠入面嘅流心车打芝士，咸香味十足。烟肉烤得香脆适中，全麦提子面包有好香嘅麦味，又唔会太硬。一个人食晒绝对系饱到下晏。
我嘅Super Bao Mix & Match，可以选择不同面包款式，内里嘅馅料、蔬菜同埋酱汁。先选择我的最爱 - 牛角包，配搭蟹肉沙律同罗马生菜，再加上千岛酱同黑松露酱。呢个组合混合嘅效果令我非常喜出望外，牛角包温热十分香脆，蟹肉沙律同罗马生菜面好新鲜，食出佢地本身嘅鲜甜味。可能已经有沙律酱嘅关系，千岛酱同黑松露酱味道唔算特出，但咁样先衬托出美味嘅蟹肉沙律。面包份量虽然不大，但用料丰富仍然十分饱肚。
饮品方面妈妈选择左Mocha(跟餐+$3)，朱古力味香浓，甜度亦刚刚好，可惜咖啡味就相对较淡。
我叫左杯Flat White($28)，拉花非常精致，味道亦正合我意。
临近新年，食完之后我地亦忍唔住办下年货，买左款最大盒嘅曲奇礼盒($238)，入面有六款曲奇。率先偷食，最爱杂谷杏仁味，十分香口脆身。呢度嘅食物，果然全部高质。
张贴
