塚田農場

营业中

休息中

女朋友话好耐冇食日本菜，今日就带女朋友嚟食朋友介绍呢间日本餐厅。一到𠮶边服务员就好亲切招呼我哋，仲安排我哋坐窗位，可以欣赏到维港海景，远远望向大海，无边无际，真系风光旖旎。 我哋食咗两个Lunch Set，五色刺身御膳同美人寿司御膳，都好有日本道地美食嘅感觉，采用新鲜嘅食材烹调而成，令人食得回味无穷。 五色刺身御膳系由五种唔同嘅新鲜刺身组成嘅刺身盛合，配有渍物小食、味噌汤同米饭嘅套餐。刺身摆盘都好精致，每种刺身鲜味十足，尤其赤虾更加美味，肥美嘅肉身，爽脆嘅口感，鲜甜嘅味道恍如喺口中融化，食得津津有味。而美人寿司御膳则系多款唔同嘅寿司盛合，配有小食同虾天妇罗。特别钟意鳗鱼寿司，鳗鱼肉质嫩滑，味道稍微带一啲甜，而且营养丰富，钟意食寿司嘅朋友，千祈唔好错过呢个套餐。 整体嚟讲，呢间餐厅食物精致又好睇，味道好食又食得好饱，风景优美环境舒服，真系好Enjoy。