唐宮小聚 (新港中心)

营业中

休息中

好耐冇约呢班朋友，大家想食中菜，就拣左位置方便，处于TST 新港中心嘅唐宫小聚。装修偏高档，比较时尚，食物方面系比较新式嘅中菜。沙田乳鸽乳鸽够入味，唔洗额外落盐👍🏻冰镇咕噜肉冰镇效果几特别，咕噜肉脆口，酸甜开胃。和牛啤梨(和牛馅料);非常山竹(龙虾汁蟹肉馅料) ，外皮似咸水角，味道唔错，不过馅料太少。皮蛋豆腐我嘅心水之选，皮蛋香豆腐滑，唔错👍🏻挪威烟熏三文鱼脆粢饭呢个系唯一唔推介，烟熏三文鱼+暖粢饭+wasabi 呢个组合系唔夹😕花雕醉鸡正常发挥，冇乜惊喜酒醉蛏子口感弹牙，香甜爽口，值得推介👍🏻另外有叫招牌黑金流沙包，同两款煲仔饭，全部都好好味😋，不过唔记得影相。最后埋单每人港纸三百中，尖沙咀晚餐嚟讲价格合理。总括而言，食物选择非常多，卖相精致，味道不俗，不过个碟份量较少。