閒聊

营业中

休息中

女友话想嚟长洲行行，见刚过完佛诞避开（繁忙时间），又撞正好天，二话不说出发⋯⋯ 经过一轮交通，当然系渡海小轮之后，又系午餐时间，沿码头荡嚟荡去，比较四正？比较「文青」？比较啱我哋口味？最终拣咗呢间～闲聊。 拣咗：炸鱼手指配薯条～正正常常，鱼手指感觉都系行货雪藏，只要炸得干身，唔油其实都收货。黑松露杂菌忌廉意粉,～一般平时食黑松露乜乜物物都会有机会好重味，呢度嘅松露～杂菌粒加埋忌廉三样嘢加埋好平衡～好味。墨西哥芝士鸡卷配沙律薯条（个名大约系咁）😂～好钟意食「卷物」，香港好多呢类店，多数系啲（外籍）人仕做，真系做唔到原有嘅味，同永远卷得好松散。我食咗前面二味至拎起个鸡卷食，竟然仲热（难得），味道当然唔会有墨西哥嘅辣，个卷入面好足料，最重要系咬完个卷物唔会散开，跌到一枱都系，算几好。 二个人，完全清晒三样嘢，除咗肚饿，当然都要佢哋整得好味食得开心至得，呢餐无拣错，亦都估唔到长洲有呢啲咁有水准嘅小店。