祥仔 (K11購物藝術館)

营业中

休息中

第一次去Ricky San间餐厅食饭。成日经过K11地下，见到餐厅Ricky个样，系电视就成日见佢煮野食，咁究竟系咪真系好食呢？餐厅主要食港式美食，粗菜贵做，另有一番风味。今晚叫咗个脆脆猪扒饭同埋铁板什扒试吓。主菜跟餐汤饮品。＿般系忌廉汤，我就加三蚊升级做两日两夜罗宋汤。罗宋汤果然要放过夜先至够入味，汤入面仲有啲牛肉粒，几浓味。脆脆猪扒饭块猪扒成吋咁厚，原来唔使去日本都食到超厚猪扒。另外仲有沙律酱可以点，本身就系蕃茄汁加饭，仲有块烤菠萝，酸酸地解到油腻。铁板什扒就一定要衬热倒汁，「渣」一声咁先至有feel,什扒有牛柳、鸡扒、法兰克福肠、煎蛋等等。扒类唔会腌到死实实，都几好食。最后我仲叫咗杯混合柠檬茶，系香水柠檬加柠檬茶。埋单三百几，系K11尚算合理。