唐宮小聚 (荃新天地)

营业中

休息中

我哋今日book咗四个人一齐食乳鸽，同埋佢哋啲点心小食，可能冇嗌到佢啲饭，所以唔觉得伏。我哋首先叫咗个麻辣乳鸽同埋烧乳鸽麻辣乳鸽呢碟系冻食嘅，上菜时间超快。个乳鸽好有麻辣香味，而且味道唔错。下次再嚟都会返叫。烧乳鸽可能食完麻辣乳鸽，反而呢个烧乳鸽就冇麻辣𠮶个咁香浓，但都唔错嘅。黑松露虾多士整体来讲好好味，咬落脆口，而且有黑松露嘅香味。但系就得三件，份量比较小。黑金流沙呢个包做得好好，咬落去啲奶黄流出嚟，热辣辣，唔错。冰镇咕噜肉呢一个就不过不失，同普通咕噜肉差唔多。小梨子🍐佢系一个卖相好可爱嘅咸水角，都系得三件，味道还可以啦～肉松抓饼啖啖的肉松同埋香葱嘅味道非常之夹。