Lab 66 (已結業)

见到呢间餐厅望落去都几舒服，就入去试下。Menu入面都劲多嘢食，经过店员介绍就叫咗呢几款试下。水牛单骨鸡翼呢味菜上碟配搭非常清新，有蔬菜有一个白色嘅酱汁，同埋一支支好似咕噜肉咁嘅鸡棒，佢本身个鸡棒 咁味道已经好好食，酸酸甜甜。侧边有一个水牛芝士做嘅酱，沟埋落去食另有一番味道，不过我都钟意用水牛芝士配一支支嘅青瓜。芒果软壳蟹卷呢味菜好似我哋平时食开嘅卡巴，用烤饼包住啲𩠌，不过佢今次个配搭好夹好好食，食落去有清新嘅蔬菜，香甜嘅芒果加上软软地又脆脆地嘅软壳蟹，同埋佢个酱汁包起嚟食真系好好味。帆立贝墨汁意粉意粉要煮得好食，面同个酱汁都好重要，厨师煮到个面啱啱好，但系小小咬口，个面本身都带有少少墨汁香。佢个汁做得有浓同杰沟埋落去配埋啲味道比较淡嘅海鲜，呢个意粉煮得好好味，重点系我错以为碟中大大片嘅带子系片鳕鱼肉。朋友聚头饮嘢少不免，简单直接呢咗支1664先。整体嚟讲都几好食，服务有几好，会再嚟。