Hygge (已結業)

荃湾一向多好野食，而呢间新开嘅hygge就系其中一个唔错嘅选择。近日同朋友庆祝生日就去左呢度，叫左嘅食物都相当之好食。饮唔方面，我就叫左杯柚子苹果沙冰，饮落非常清凉，岩晒炎炎夏日饮。唔试都唔知原来柚子同苹果系咁夹，酸酸甜甜咁，味道并唔系好假嘅味精味，相当唔错。而朋友就叫左呢杯hazelnut chocolate milk,我都试左一啖，饮落有香浓嘅hazelnut味，亦系一个不俗嘅选择。他他向来系我最爱嘅前菜之一，唔同地方食到嘅他他味道同质素都相当唔同，而系hygge食到嘅他他算系我食过比较好食嘅之一。他他系用三文鱼同舌拿鱼混合而制，再沟埋特制嘅酱汁，食落非常开胃。而下面黑黑地嘅系黑糯米，食落口感较硬，同上面嘅他他一齐食，口感非常之新鲜。除左他他我地仲叫左个Caesar salad，沙律酱分量落得岩岩好，令沙律唔会太咸，再配合埋脆卟卟嘅面包同新鲜嘅生菜，系唔错嘅开胃之选。主菜我地叫分别叫左个安格斯牛肉汉堡同波士顿龙虾卡邦尼意粉。个汉堡非常好食，外层嘅面包外脆内软，而汉堡扒亦非常厚身，咬落相当juicy。薯条系幼身果种，食落每条都非常香脆，真系食到停唔到口。卡邦尼意粉上面加左温泉蛋，食落